Мэдээ мэдээлэл

Таны хүүхэд цэцэрлэг дээрээ ямар хоол иддэгийг мэдэх үү?

Blog Single

Улсаас цэцэрлэгийн хүүхдийн хоолны мөнгийг даадаг болоод зургаан жил болж байна. Засгийн газрын 2009 оны 85 дугаар тогтоолоор цэцэрлэгийн хүүхдийн нэг өдрийн хоолны зардлыг төр хариуцахаар болсон.

Улс хүүхдийн хоолны мөнгийг дааж эхэлснээс хойш гурван жилийн дараа буюу 2012 онд хүнсний бүтээгдэхүүний үнийн өсөлттэй уялдуулан цэцэрлэгийн хүүхдийн нэг өдрийн хоолны зардал 8-10 цаг ажилладаг цэцэрлэгт 1,100 төгрөг байсныг 1,650, 24 цагаар ажилладаг цэцэрлэг, сувиллын болон тусгай цэцэрлэгт 1,600 төгрөг байсныг 2,400 төгрөг болгон нэмэгдүүлж байжээ.
Энэ хугацаанд “Цэцэрлэгт өгч байгаа хоолонд хүүхдүүд цадахгүй байна, Хүүхэд маань цэцэрлэг дээрээ яг ямар хоол идэж байгаа талаар мэдээлэл алга, Хүүхдийн хоолны мөнгийг эцэг эхчүүд өөрсдөө өгдөг болъё, Хоолны мөнгийг бүтнээр нь болон хувьчлаад өгөхөд асуудал байхгүй” гэх саналыг эцэг эхчүүд гаргасаар ирсэн.

Тиймээс нэгэн улсын цэцэрлэгийг сонгож хүүхдүүд өдөрт ямар хоол идэж байгааг сурвалжиллаа. /Улсын хэмжээнд нийт цэцэрлэгт хамрагдаж байгаа хүүхдүүдийн 90 орчим хувь нь улсын цэцэрлэгт явж байна/

Нэгдүгээр хоолны аяга нь 500 гр, хоёрдугаар хоолны таваг нь 400-500 гр ордог бол цайны аяга нь 200 гр хэмжээтэй.

Даваа гарагт:

Өглөөний цайнд: Сүүтэй каш /08.30-09.00 цагт/

Бага үдэд: Нэрсний шүүс /11.00 цагт/

Өдрийн хоолонд: Бантан, гурвалжин будаатай хуурга /12.00-12.30 цагт/

Оройн цайнд: Гурилан боов, шингэн уух зүйл /16.00-16.30 цагт/

Мягмар гарагт:

Өглөөний цайнд: Шар будаатай каш /08.30-09.00 цагт/

Бага үдэд: Аньсны шүүс /11.00 цагт/

Өдрийн хоолонд: Будаатай шөл, цуйван /12.00-12.30 цагт/

Оройн цайнд: Тараг /16.00-16.30 цагт/

Лхагва гарагт:

Өглөөний цайнд: Сүүтэй каш /08.30-09.00 цагт/

Бага үдэд: Чацарганы шүүс /11.00 цагт/

Өдрийн хоолонд: Ногооны зутан шөл, дун гоймонтой хуурга /12.00-12.30 цагт/

Оройн цайнд: Гурилан боов, шингэн уух зүйл /16.00-16.30 цагт/

Пүрэв гарагт:

Өглөөний цайнд: Гурвалжин будаатай каш /08.30-09.00 цагт/

Бага үдэд: Аньсны шүүс /11.00 цагт/

Өдрийн хоолонд: Шар, цагаан будаатай шөл, котлет, төмсний нухаш, байцааны салат /12.00-12.30 цагт/

Оройн цайнд: Тараг /16.00-16.30 цагт/

Баасан гарагт:

Өглөөний цайнд: Сүүтэй каш /08.30-09.00 цагт/

Бага үдэд: Чацарганы шүүс /11.00 цагт/

Өдрийн хоолонд: Гурилтай шөл, байцаатай хуурга /12.00-12.30 цагт/

Оройн цайнд: Гурилан боов, шингэн уух зүйл /16.00-16.30 цагт/

2012 онд хүнсний бүтээгдэхүүний үнийн өсөлттэй уялдуулан цэцэрлэгийн хүүхдийн нэг өдрийн хоолны зардлыг 1,100 төгрөгөөс 1,650 төгрөг болгон нэмсэн.

Цэцэрлэгийн хүүхдийн хоолны мөнгийг эцэг, эх нь хуваалцаж төлөөд хоолны хэмжээг нь ихэсгэх асуудал төр хоолны мөнгийг дааж эхэлсэн цагаас хойш яригдаж ирсэн.Цэцэрлэгүүдийн зүгээс ч эцэг эх нь хоолны мөнгөний зохих хувийг өгвөл эргээд тэдний зүгээс тавих хяналт шалгалтыг сайжруулна гэж үзэж буйгаа илэрхийлж байгаа юм.

Хуваалцах:

Сэтгэгдэл үлдээх